NYK hmalakna tur sawiho

Nehru Yuva Kendra Sangathan (NYKS), Mizoram chu nimin khan an chairman Zodintluanga, Sports & Youth Services minister hoin a pisaah an
ṭhukhawm a; kumin chhunga ṭhalaite tana NYK programme hrang hrang kalpui dan tur an sawiho.

Zodintluanga chuan, sorkarin NYK kaltlangin ṭhalaite hmasawnna tur programme a duang tih sawiin, "Programme-te hi ṭhalaite tan a nuamin a phurâwm hle. Mizoramah ṭhalai pawl YMA, YLA bakah sport club angte an lo awm avangin NYK chuan a hranpain Youth Club din loin heng pawlte nen hian a thawkho zel a ni," a ti.

NYK state coordinator (SR Bishnoi chuan Mizorama an hmalakna leh hmachhawp hrang hrangte a sawifiah a ni.

State Advisory Board Member-a tel state sorkar department-te nena thawkho a, NYK programme hrang hrang kalpui an duh thu a sawi bawk.

NYK hian state 28 leh district 63-ah office an nei a, block level-ah Youth Development centre 3311 neiin an hnuaiah Youth Club nuai 3 an awm mek a, Mizoram-ah chuan district pariatah office an nei vek a ni.