Parking tender vangin complaint thehlut

Lalruatkima, Hun­thar Veng leh Lalchhuan­vawra, Edenthar Veng-te chuan Aizawl Municipal Council (AMC)-in tun hnaia parking fee khawnna tura tender an chhuahah thil fel lo a awma an hriat avangin AMC chief executive officer M Zohmingthangi hnenah complaint an thehlut.

Lalruatkima leh Lal­chhuanvawra ten com­plaint an thehluh dan chuan, parking tender-a area no.29-a mi R Lalnuntluanga, Chhinga Veng-in a chhannaah House Tax Payee Certificate (HTPC) a thil tel lo a, chuti chung chuan a chhanna chu pawm a ni. Chutih laiin, area no. 52-a JV Pahlira chhanna chu HTPC a thil tel loh vangin dan anga tih a nih loh avangin an hnâwl a ni.

Mi pahnihte chuan AMC parking fee tender chhannate chu ennawn a, ngaihtuah ṭha leh turin AMC CEO chu an ngen a ni.