Larsap Lt. Gen Nirbhay Sharma-in AIR leh DDK-a hnathawkte a kâwm

Governor Lt.Gen. Nirbhay Sharma chuan, nimin khan Raj Bhavan-ah All India Radio, Ai­zawl Station leh Door­darshan Kendra, Aizawla thawkte a kâwm a, mipui rawngbawlna zau zawka kalpui dan tur a sawipui.

AIR-a thawkte nen an inkawmnaah Larsap chuan, Mizo ṭhalaite tana zirtir ṭha nei thei prog­ramme, a bikin ruihhlo laka fihlim tura inzirtirnate uar zawka kalpui ṭha a tih thu leh, ṭhalaite zinga ram chhung leh khawvel pum huapa langsarte chanchin tihchhuah tam ni se a duh thu a sawi.

Nirbhay Sharma chuan, chhiatna hrang hrang thleng thei laka invenna leh khuarel chhiatna hriat lâwk theih a awm chuan a darhzau thei ang bera puangzar ṭhin turin a chah a; Mizote'n saptawng leh Hindi an hmang tam lo chu a ngaihmawh thu a sawi bawk.

AIR-a thawkte hi sta­tion director DR Lal­ropuia leh assistant sta­tion director Linda Zopuii Mukherjee ten an ho a; Mizorama AIR-a thawktu indaih lohnate leh khawl ṭha zawk an mamawhte an thlen a ni.