Lungleiah parking fee khawn an rel

Lunglei High Powered Com­mit­tee vice chairman S Laldingliana hoin nimin khan Lunglei khawpuia motor parking fee lak dan tur an sawiho. Meeting chuan parking fee hi darkar khatah two wheeler-ah Rs. 5, LMV-ah Rs. 10 leh HMV-ah Rs. 20 la turin State Transport Authority-ah thlen an rel.

S Laldingliana chuan, Lungleiah lirthei a pun chak avangin parking fee lak a ṭul ve taa a hriat thu a sawi a, parking fee lak a nih pawhin hrethiam turin leh sorkar ruahmanna zâwm ṭha turin a ngen. Meeting-ah hian State Transport Authority member Lallianzuala Khenglawt, Lunglei DTO R Vanlalrengpuia leh MJA aiawhte an tel.

Meeting chuan parking fee khawnna tur hmunte enfiah tur committee an din a, chairman-ah Lunglei SDPO B Laldingnngheta ruat niin, Traffic O/C Vanlalsanga chu secretary a ni a, member-ah MJA leh MVI aiawhte ruat an ni.

Lunglei khawpuia motor lian bungraw phur luh theih hun chu zing dar 7 thleng ni tawh se, an ti bawk.