LADC CEM thubuai ngaihtuah hun sawn

Lai Autonomous District Council (LADC) chief executive member V Zirsanga leh mi dang parukte thubuai chu, nimin khan Special Court (PC Act)-ah ngaihtuah tura tih a ni a; nimahsela an ukilte'n an dil angin thubuai ngaihtuah hun sawn a ni.

V Zir­­sanga bakah hian LADC-a Education offi­cer H Lalruatkima, Art & Culture officer B Vanlangheta, DEO Lalduna Chinzah, DEO-a cashier Ramengzauva, Middle School Teachers Association sub-hqrs. Lawngtlai president NC Muankima leh secretary C Lalchawiliana-te chu dan loa zirtirtu 37 laah leh cheng vbc. 3 chuang tichingpena puh an ni.

Thu dawn danin, V Zirsanga te ukil chuan ACB-in thubuai an chhuina preliminary inquiry report chu July 1, 2015 khan an dawn ve chauh thu an sawi a, chuvang chuan thubuai ngaihtuah hun sawn an dil a ni. Court chuan thubuai ngaihtuah hun sawn a remti a, July 16, 2015-a ngaihtuah turin a dah.

LADC-a middle school zirtirtu leh thawk­tu dang 37 laknaah thil dik lo a awm nia ngaiin M Lalrammawia, Lawngtlai chuan October 3, 2013-ah ACB-ah FIR a thehlut a, ACB chuan an chhui zui a ni.