Lui dung humhalh ṭha lawmman hlan

Nimin khan Bairabi khuaa Zampuimanga Hall-ah, kum 2014-15 chhunga Kolasib district chhunga lui dung humhalh ṭha YMA-te hnenah lawmman sem a ni a, YMA sub-headquarters, Kolasib president CT Mawia khuallian a ni.

Inkhawm chu Kola­sib-a Fisheries officer C Laldawngliana'n a kaihruai a; CT Mawia chuan, lui dunga nungchate hum­halh turin tuna nau­pangte an pawimawh tih sawiin, "Anni hian kan lo tihsual tawhte an rawn chhunzawm loh a, lui dunga nungchate an humhalh chhunzawm zel a ṭul a ni," a ti.

Lui dung humhalh ṭhaa puan Saipum Branch YMA, Bilkhawthlir Joint YMA , Bairabi North Branch YMA leh Bairabi South Branch YMA-te hnenah lawmman Rs. 40,000 ṭheuh leh thuchei hlan a ni.