CADC sorkarin hna- thawktu mi 14 a bân

Chakma Autonomous District Council (CADC) chuan tun hnai khan thawktu mi 14 an bàn. Hetihlai hian dàn loa thawktu an lâk zinga mi paruk bàn an la nih ve loh avangin YCA leh Mizoram Chakma Student Union (MCSU)-te an la lungawi lo.

MCSU chuan nimin khan thuchhuah siamin, August 23, 2016 khan dàn loa CADC sorkarin thawktu a lak zinga mi 14 chu an hna aṭangin a chawlhtir thu an tarlang a; dàn loa lak ve tho mi dang paruk erawh tun thlengin CADC sorkarin a la chhawr nia sawiin, "Hei hi Joint NGO leh CADC sorkar kan inrem dan a ni lo," an ti.

Central YCA leh MCSU-te chuan, August 25, 2016 khan CADC chief executive member Kali Kumar Tongchangya an hmu a; thawktu an la bàn ve loh mi parukte chu August 29, 2016 ral hma ngeia bàn an phût thu an hrilh. An hun tiam chhunga an bàn loh chuan na zawka nawr zui an tum thu an sawi a ni.