Veng pathumah bye-election neih a ni

Aizawl khawpuia local council pathum - Mission Veng, Chhinga Veng leh Chite Venga seat ruak pakhat ṭheuh hnawh khahna turin nimin khan bye-election neih a ni a, boruak ṭha leh muanawm tak vote thlak a ni.

Veng pathumah hian zing dar 7-ah vote thlak hun hawn niin, tlai dar 5 thleng hun hawn a ni a; he thu ziah lai vote tla hriat theih la ni lo mah se, 60% chuang a tlak beisei a ni. Vote tlate chu nimin tlai/zan khan chhiar nghal a ni a, zan dar 9-10 inkarah result hriat theih beisei niin, result kan hre hman lo.

Mission Veng LC member tur hmeichhia thlanna atan polling station pahnih siam a ni a, candidate pahnih - INC leh MNF candidate an awm. Chhinga Veng LC inthlanah pawh polling station pahnih siam a ni a; Chite Veng LC bye-election-ah erawh polling station pakhat siam a ni.

Local council bye-election-ah hian veng pathumah Congress party leh MNF party candidate-te an inmal beih a ni.