KHAWTHLIR

Biak-in thiat

Hunthar Veng, Aizawla lei min vangin in pasarih ṭhiah a nih hnuah, Baptist biak-in, lei khiin a huam chin chu khawtlangin an ṭthiat. Hunthar Veng khawtlang hruaitute chuan, lei khi chu a chêt zui zel avangin biak-in pawh a tawlh mai thei a ni dawn a, a puma a chhiat loh nan kohhran committee remtihnain biak-in ṭhenkhat an ṭhiat tih an sawi.

Award dawng

Guwahati-a North East Tea Conclave & Expo 2016 neihah nimin khan Mizo Tea (Ngopa Tea Pvt.Ltd.) chuan Queen of Speciality Tea Award an dawng. Conclave & Expo-ah hian thingpui fê siamtu 180 chuang an tel a, Mizo Tea hian lawmman pahnihna a dawng a ni.

HPCL-in scho' pe

Hindustan Petroleum Corporation Ltd. chuan August 25, 2016 khan Kolasib College zirlai 130 hnenah scholarship a pe. Scholarship hlanna inkhawmah hian Mumbai, Kolkata leh Guwahati aṭangin Hindustan Petroleum hotute an tel.

College endik

India rama zirna in sangte zir chianga grade petu, National Assessment and Accreditation Council (NAAC) Peer Team chuan August 22-24, 2016 chhung khan Zawlnuam College an enfiah. NAAC Peer Team member-te hi chairman Prof. Karma S Lyngdoh, member coordinator Prof. GM Mehta leh Dr S Khandu te an ni.

IFS kaisang

IFS officer pahnih - Lalrinmawia leh Umakaul te chu chief conservator of forest rank-ah kaisantir an ni. Lalrinmawia hian Environment Forest & Climate Change (Monitoring & Evaluation) Special Officer hna a chelh dawn a, Umakaul hian Mizoram House, New Delhi-ah OSD hna a thawk thung ang.

Lirthei dah khap

Traffic SP chuan thupek chhuahin, motor kawngpuiah lirthei tluang zawka a kal theih nan Hlimen veng chhung motor kawngpui dungah zan riaka lirthei eng pawh dah a khap. Thupek hian Hlimen quarry area leh MST workshop area a huam lo.