MNF-in Zorama hruaitu rintlak ti

MNF senior vice president Tawnluia chuan nimin khan Mizo Hnam Runa inkhawmah thu sawiin, an president Zoramthanga chu Mizo hnam hruaitu rintlak a nih avangin college-ah thu sawi turin an sáwm
ṭhin niin a sawi.

Tawnluia chuan, "Zirlaiteah hnam rilru thlifim a thaw mek a, kan president Pu Zoramthanga pawh college lecturer-te'n an college-a Mizo Hnam Movement chungchang sawi turin an sawm tawh ṭhin," a ti a; chutih laia sorkarin politician leh páwn lam mite college-a thu an sawi a khap chu ṭha lo an tih thu a sawi.

MNF Sr. Vice President chuan, political party-te leh pawl dangte'n college-a thu sawi tura politician leh páwn lam mi sawm a khapna sût tura sorkar an ngen hnua sorkarin politician-te zirna ina thu sawi tura sawm dawn chuan thuneitute hnenah dil hmasak tur tih order an chhuah leh chu Zoramthanga an huphurh vangah a puh a, "Mizo nationalism ṭhang zel tur an hlauh vangah kan ngai," a ti.