Republic Vengthlang faina hnatlang

Republic Vengthlang Sanitation Volunteer-te chuan, nimin zing khan an din champha vawi thumna pualin Faina Hnatlangpui an huaihawt a, mi
ṭhahnem tak thawk chhuakin, Republic Veng Field tifaiin an hnatlang.

Bialtu councillor H Vanlalruata'n a hmanpui bakah, bialtu MLA R Vanlalvena'n ei leh senso atan Rs. 2,000 a pe.

Republic Vengthlang Sanitation Volunteers hi August 26, 2013-ah din a ni a, a tirah chuan mi 10 niin an pung zel. Kum 2013-ah vawi 13 an hnatlang a, kum 2014-ah vawi 43, kum 2015-ah vawi 50 leh kuminah vawi 33 an hnatlang tawh. Kum 2014 khan Aizawla Veng fai ber lawman pakhatna an dawng a, kum 2015-ah veng fai panga zingah an tel bawk.