Champhaiah meizial tichhia

Champhai District Anti Tobacco Squad chuan nimin khan COTPA 2003 dan bawhchhiat vanga an man foreign meizialte chu Champhai District Hospital kawtah an tichhia.

Meizial an mante hi COTPA 2003 Section 7 leh 8-in a phût ang a vai-hlo aṭanga siam, a tuamna kawra a hlauhawmzia (pictorial health warning) awm lo leh fakmawina ziah lante a ni.

Meizial an tihchhiate chu Valiant carton 13 leh box 26, Winbody carton 34, Farstar carton panga leh box pakhat, Classic carton 47 leh box 10 leh, Hummer carton 9 a ni a; a vaiin Rs. 3,00,000 vel hû a ni.