NYKS hmachhawpte sawiho

Aizawl District Advi-sory Committee on Youth Programme chu nimin khan an chairman, Aizawl DC Kannan Gopinathan hoin a pisaah an ṭhukhawm a; kum 2016-17 chhunga Nehru Yuva Kendra Sangathan (NYKS), Aizawl
district-in hmachhawp a neihte an thlirho.

Meeting-ah hian NYK District Youth Coordinator-in kum 2016-17 chhunga Annual Action Plan a pharh a, a kalpui dan tur leh mawhphurhna hrang hrang latu turte sawiho a ni. NYK programme-te hi ṭhalaite tihhmasawnna bakah, sorkar (State leh Central) hmalaknate inhrilhhriatna remchang a nih thu sawi lan a ni a, line department-te nena thawhho dan turte sawiho a ni bawk.

Tun dinhmunah Aizawl district aṭangin NYKS hnuaia club 500 (in register 268 leh register loh 232) an awm a; Mizoram pumah chuan club 1,683 (registered 955, register loh 728) an awm.