SDO(C) awm loh vangin zirlaite buai

Tunlai hian Sangau SDO (Civil) office-ah thawktu an awm mumal loh avangin Sangau leh a chhehvela zirlai, scho-larship dil tumte an buai hle nia thu dawn a ni.

Sangaua journalist FC Vanlalzawna hnen aṭanga thu dawn danin, tunlai hian zirlaite'n scholarship an dil mek avangin Sangau leh a chhehvela zirlaite pawhin scholarship dil an tum a, chuta tan chuan tribal certificate, residential certificate leh income certificate-te SDO(C)
aṭanga lak a ngaih avangin Sangau SDO(C) pisa a lûn hle.

Hetih lai hian, Sangau SDO(C) nghet an awm lo a, Vanlalṭanpuia'n Sangau BDO-in SDO(C) hna chu a hmui rih avangin a indaih lo hle a; SDO(C) pisaah thawktu dang an awm loh bawk avangin scholarship dil tum zirlaite an buai hlea thu dawn a ni. Sangau BDO pisaa thawkte'n Sangau SDO(C) pisa chu an pui
ṭhin nia thu dawn a ni.