Ni hmanga tui lakna enchhin

Ni zung chakna hmanga Kelkang khuaa tui pump na tur chu tun hnai khan hlawhtling taka enchhin a ni. Kelkanga tui pump na tur hi ni zung chakna hmanga India rama tui pump chhuah sanna ber a ni.

Kelkang khua chawmtu tur ni zung chakna hmanga tuilak hi cheng nuai 631 senga thawh niin, February 3, 2016 aṭang thawh ṭan a ni a, December 2017 zawh tura tih nimah se, huntiam hmaa zawhfel a ni.

Tuilakna atan hian treatment plant aṭangin tuidahkhawlna tank lian litres 70,000 dawng te, litres 30,000 theuh dawng 3 bakah, Kelkang khaw lu-ah tui pump dahkhawlna litres 1,00,000 dawng reservior siam a ni.

Nikhat chhunga tui lirtres 82,000 pump thei tura ruahman a ni a, ni zung chak zawng tehna Irradiance 150W/m2 a chak atangin a pump tan thei dawn a, hei hi 1000W/m2 niin, a chak lai ber hian 1300 w/m2 tura ngaih a ni. Tui a pump chak lai ber hian second khatah lirtres 4 pump chhuak thei tur a ni.

Tui lakna siam thar hian Kelkang khaw mipui awm zat 1234-te tan nitin tui litres 55 zel pe tur ang a chhut a ni a, darkar 7 vel chhungin hnianghnar taka mipui tan tui sem tur pump theih tura ngaih a ni.