Larsapin Railways hotute a kâwm

Governor Lt.Gen. Nirbhay Sharma chuan, August 26, 2016 tlai khan Raj Bhavan-ah North East Frontier Railways hotute koin, Sairanga rêl chawlhhmun siam dan tur leh rél kawng siam mek a sawipui.

Larsap chuan NEF Railways hotute chu ramngaw tichereu lo tur leh tualchhung mite rilru mil zawnga rel chawlhhmun siam a ṭhat ber thu hrilhin, "Damdawi-in, cold storage, warehouse leh sikul ṭha tualchhung mite hman ve theih tur rel chawlhhmun huam chhungah dah tel ngei a nih theih nan hmalak a ngai," a ti a; NEF Railways hotute chu railway chawlhhmun tur design competition siam a, Mizorama architech leh engineer-te sáwm turin a chah.

NEF Railways deputy chief engineer Hari Singh, architech engineer Dhurv Gupa leh executive enigneer Malay Baruah te chuan Governor hi Sairang Railway Station complex kalpui an tum dan a lem nen an hrilhfiah a ni.