Khawbung bial tan NLUP sem

August 27, 2016 khan bialtu MLA T Sangkunga'n Khawbung community hall-ah East Tuipui biala NLUP third phase leh fourth phase hnuaia chhungkaw 226 hnênah ṭanpuina Rs. 45,16,000 a sem.

Ṭan-puina hi WRC-I ah chhung-kaw 133, WRC-II ah chhungkaw 91 leh fû-ah chhungkaw pahnihte hnenah pek a ni.

T Sangkunga chuan, Tui-puiral tlangdung kawng (CNV Road) chu JICA (Japan) sum hmanga siam tur kawngpui zingah hmalakna hmasa ber a nih thu a sawi a, "Nakum 2017 March thlaa Tlawva Small Hydel Project hmanga kawlphetha mamawh zualpui phuhrûkna tur siam chhuah hman tum a ni a, Tlawva Small Hydel Project hi December 2017 thlaah hman theih tura hmalak a ni," a ti. PMGSY hmangin Khuangleng-Lianpui, Thinghrangkawn-Bung-zung leh Thing-hrangkawn-Vangchhia kawng blacktop-na tur sum ruahman mek a nih thu a sawi bawk.

T Sangkunga hian August 26 vek khan Rural Housing Schemce hnuaiah chhungkaw 30 hnenah rangva bundle li ṭheuh a sem a, Khawbung High School hnenah xerox machine a pe bawk a ni.