Bawngkawnah mi 14 khawm

Ramhlun South Branch YMA hnuaia Kumpuan Force (KPF) leh Bawngkawn Branch YMA Kumpuan Committee-te chuan, Inrinni zing khan joint operation an nei a; zing dar 4 aṭanga thawk ṭanin, darkar thum chhungin Bawngkawn leh a chhehvelah mipa 12 leh hmeichhe pahnih an khâwm.

Ramhlun South YMA vice president leh KPF convener R Lalduhawma chuan, Bawngkawn YMA nena joint operation an neih chu ram leh hnam humhalh kawnga hmalakna pakhat a nih thu leh operation chu chhunzawm zel an tum thu a sawi. YMA branch pahnihte hian chak zawka thawhho zel dan tur an ruahman nghal a ni.