Sorkar department-te infiamna khâr a ni

Mizoram Civil Services Sports & Cultural Association (MCSSCA) buatsaih, ni li chhung awh Annual Sports Meet 2016 chu August 26, 2016 khan khâr a ni a, Sports minister Zodintluanga'n a kharna inkhawm a hmanpui.

Zodintluanga chuan, Sports Meet buatsaihin a tum ber pakhat chu, de-partment hrang hranga thawkte an in-kawm ngeih-na atan a nih thu a sawi a, "Inṭhian ṭhatna a-
ṭangin mi-pui rawngbawlnaah nghawng ṭha zawk a thlen a, chak zawka hna thawh theih a ni. Sorkar hna kalphungah department hrang hrang hmalaknate mal kal lo a, inhriatpui tawnna nena kalpui a nih hian kawng tam takah awlsam zawk leh mipui tana harsatna tlem thei ang berin a thawh theih a ni," a ti.

Annual Sports Meet 2016-ah hian department/office hrang hrang 54 aṭangin infiammi an tel a; badminton, chess, table ten-nis, carrom board leh chinese checker-ah-te an inel a ni. Police department pakhatna an ni a, PHE leh SIPMIU chu pahnihna leh pathumna an ni.