CM Zoramthanga'n Manipur CM a kâwm

Chief minister Zoram­thanga chuan nimin khan Manipur chief minister Nongthombam Biren Singh chu Imphal-a a chenna inah a kâwm a; Manipur-a helna tihreh a ṭul tak zet thu sawiin, amah pawh Central sorkar hotute'n an beisei anga hmalak a tum dan a hrilh.

N Biren Singh chuan, remna leh muanna atana Zoramthanga hmalakna chu lawmawm a tih thu sawiin, ṭan la zel turin a sáwm a ni. Zoramthanga chuan, Manipur luh phalna ILP chungchangah, Mizoram mite chungah harsatna siam lo turin Manipur CM a ngen a; Biren Singh pawhin, harsatna an siam tawh loh tur thu a sawi.

CM Zoramthanga hian lehkha a zirna ṭhin DM College, Imphal-a mi chu a tlawh bawk a; nimin vek khan Aizawlah a rawn haw a ni.