Governor-in AR hmunpui a tlawh

Governor Gen. Vijay Kumar Singh chuan nimin khan Khatlaa Assam Rifles 23 Sector Headquarters a tlawh a; AR hotute nen ramri vên chungchang leh leh thil pawimawgh dangte an sawiho.

Gen. VK Singh chuan, India leh Myanmar ramri vengtu Assam Rifles hmalakna fakawm a tih thu a sawi a; dan loa ramri kaltlanga chêtna dang turin ṭan lak a ṭul thu sawiin, India ram leh a chhunga chengte himna tura theihtawp chhuah chhunzawm zel tur leh mipui rawngbawl hna thawh ngai pawimawh zel turin AR hotute a chah.

Governor hi AR 23 Sector commander Brig. Girish Upadhya leh a thawhpuite'n an lo dawngsawng a, Mizorama AR hmalakna leh pawimawh hrang hrangte an hrilhfiah a ni.

AR hotute chuan, Mizoram bikah India leh Myanmar ramri km. 510 vela thui an vên mek thu te, 23 Sector Assam Rifles Hqrs. Khatla hnuaiah battalion pathum an awm thu te, battalion tinah company operating base (COB) paruk zel an awm thute an sawi.