RTI Act buaipuitute tan training

Administrative Training Institute (ATI) chuan, nimin khan an auditorium-ah ‘Training of DAA/SPIO/SAPIO in the RTI Act’ an buatsaih a; IPR secretary B Lalthanliana'n a hawng.

Training hawnna inkhawm hi ATI deputy director (Admn.) Van-lalvuana'n a kaihruai a; B Lalthanliana chuan, khua leh tuite'n sorkar leh khawtlang thil khawih hriat duh an neihin RTI Act an hmang thei tih sawiin, "Dik tak leh huaisen taka an zawhna chháng thei turin DAA/SPIO/SAPIO-te'n RTI Act an hriat chian a ngai," a ti a, sorkar hnathawkte chu mahni hna dik taka thawk a, hlemhletna do ngam turin a fuih.

Training hi ni hnih awh tur a ni a; Obligations of Public Authorities - Publication of Manuals, Designation of PIOs & APIOs, Role of SPIO/SAPIO, Procedure for Requesting Information, Disposal of Information, Third Party Information & Exemption for Disclosure, Exempted Organisations leh Powers & Functions of Informations Commission & Appeals and Penalties tihte zirho a ni.