MPC-in chhawmdawlna tam zawk pek an phùt

MPC party office bearer-te nimina an pisaa an senior vice president Vanlalhlana hoa ṭhu-khawm chuan, Hunthar Venga lei tlahniam vanga
harsatna tawkte chu chhawmdawlna tam zawk pe turin Mizoram sorkar an phût.

MPC-te hian resolution pass-in, Hunthar Vengin leimin vanga chhiatna nasa tak an tâwk chu pawi an tih thu leh vanduaina tâwk chhung-kuate an tawrhpui thu a tarlang a, "Mizoram sorkarin vanduaina tâwk chhungkuate chhawm-dawlna a pek hi a beitham kan ti a, hei aia nasa zawka chhawmdawlna pe turin kan phût a ni," a ti.

Hunthar Venga lei tlahniam vang hian kum 20 chuang mipuite'n harsatna an tâwk tawh tih sawiin, "Mizoram sorkarin thawm ṭhat hna a hming chauha a thawh ṭhin avangin chhiatna nasa zawk lo thleng taah kan ngai," an ti a; lei tawlh venna atana kum 2015 chhunga Rs. 59,67,800 hman a ni tawh chunga thawm
ṭhat a ni lo chu mimal leh thiltithei zawkte sum siamna hmanrua nia an ngaih thu an tarlang bawk.