Mipui leh sorkar hna thawkte an beidawng - Zoramthanga

MNF president Zoramthanga chuan, Congress party kaihhruai sorkarah hmasawnna hmuh tur a awm lo nia sawiin, "Mipui leh sorkar hnathawk an beidawng em em vek a ni," a ti.

Nimina Mizo Hnam Rûna inkhawm-ah Zoramthanga chuan thu sawiin, "Nikum lawka Kelkang harhna chu Congress sorkar chuan zu zawrhin a chhunzawm a, force leh civil mi zu vangin an thi zawih zawih a ni," a ti a; kohhran leh mipuite Congress sorkarah an beidawng a, thlak thuai an nghakhlel hle niin a sawi.

MNF President chuan, Mizoramah nationalism thli a tleh mek nia sawiin, "Zirlai leh sorkar an innawr ṭan ta a tih theih mai awm e," a ti a; MNF party-ah par-ty dang aṭangin mi an làwm lut reng a, in-thlan kum-ah chuan an beisei bak Pathian-in mipui a pek an beisei thu a sawi bawk.

MNF thuchhuah tarlan danin, nimina Mizo Hnam Rûna inkhawmah hian MNF zawm thar mi eng emaw zat an lawm lut a; chu'ng zingah chuan ZNP gen.hqrs. secretary H Lal-duhawma leh School Education joint director hlui JH Biakmawia te an tel. Chawhnu lamah Tanhrilah Congress leh ZNP aṭangin mi eng emaw zat an lawm lut niin an tarlang.