Sorkar tawhte'n mipui hmakhua an ngaih loh rah kan seng mek - Duhoma

ZNP president Lalduhoma chuan, Hunthar Veng lei tlahniam vanga harsatna tâwkte an tawrh-pui thu a sawi a, "Kum 20 chhunga sorkar kan hrawn tawhte leh hrawn mekte'n mipui hmakhua an ngaihtuah loh rah kan seng mek a ni,” a ti.

Nimina ZNP pisaa inkhawmah thu sawiin Lalduhoma chuan, "Hunthar Veng, Airport panna kawngpui pawimawh tak chu kum 20 vel kal ta
aṭangin a tlahniam tawh ṭhin. Kum 20 chhunga sorkar kan hrawn tawhte hian ngaihsak miah loin tuna a min hun hi an nghak chhuak tawp mai a ni," a ti a; tun hnaia a min hnuah zir chiang leh mah se, a pawi tur ang a pawi vek hman tawh thu leh chhung-kaw tam takin an in leh lo an chàn phah thu a sawi.

Lalduhoma chuan, lo neitute’n hah taka an thawh chhuah sawh-thing hralhna tur awm loa an dah ṭawih chu uiawm a tih thu sawiin, "Kan sawrkar hrawn tawh reng rengte lo neitute harsatna sutkian lama hma la chak thei an la awm miah lo hi lung-chhiatthlak a, ZNP sorkar a ṭulzia a lang chiang
hle," a ti. Kum 2018 inthlan-ah chuan sorkar thei tura rin vote mai lo a, lo nei-tute hmangaitu dik tak vote nacháng hre turin mipui a sáwm a ni.

ZNP thuchhuah chuan, nimina an party pisaa inkhawmah hian ZNP zawm thar ṭhalai mi pariat an lawm lut niin a tarlang.