Nun dan hrisel neih dan tur zirho

Health & Family Welfare department-a Mizoram Health Systems Strengthening Project (MHSSP) chuan nimin khan Assembly Annexe conference hall-ah 'Workshop on Promoting Heathy Lifestyle: A Journey Towards Wellbeing' an buatsaih. Mizorama mi lâr leh entawn tlak, thiamna bik neite an tel a, Healthy Lifestyle ambassador atana ruat an ni.

HFW principal director Dr Vanlalsawma chuan, thisen sang, zunhlum, cancer, stroke leh heart attack ten Mizote a rûn nasat thu a sawi a; nun dan hrisel taka mipuiin nun an hman theih nan thawhho a ṭul thu sawiin, an theihna zâwn ṭheuhah ṭan la turin ambassador atana ruatte a sáwm.

MHSSP project director Dr Eric Zomawia'n nun dan uluk loh vanga natna leh a hun loa thihna awm chhante leh inven dan turte a sawifiah a, "Kan nunna chunga thuneitu chu Pathian a ni a, chutihrualin, nun dan dika kan nun chuan thui tak kan pawt sei ve thei a ni," a ti.

MHSSP consultant Ruth Lalawmpuii leh Health Services assistant director Dr Zorinsangi ten thil pawimawhte an sawi bawk.