KHAWTHLIR

KṬP-in thisen pe

KṬP, Tuikhuahtlang Branch chuan KṬP Day lo thleng tur pualin February 8, Inrinni khan Synod Hospital tan thisen unit 37 an pe a, petute mipa 30 leh hmeichhia pasarih an ni. KṬP, Ramhlun Vengchhak Branch pawhin February 7, 2025 khan Civil Hospital, Aizawl tan thisen unit 24 an pe a, petute mipa 15 leh hmeichhia pakua an ni.

VC/LC campaign hun a tawp dawn

February 12, 2025, tun kar Nilainia village council leh local council inthlan tura campaign theih hun chu vawiin tlai dar 4 hian a tawp dawn a, tlai dar 4 hnu lamah campaign phal a ni lo. VC leh LC inthlan turah hian February 7 zing dar 7 aṭanga tlai dar 4 vote thlak tur a ni a, vote chhiar zui nghal tur a ni.

UPC inkhawmpui

UPC North East India hnuaia pastor bial hrang hrang chuan February 7, 2025 zan aṭang khan bial inkhawmpui an hmang a, nizan khan a ṭiak. Inkhawmpuiah hian February 8, Inrinni khan chhun lamah rorel a ni.

Inhlan chhâwng

Village council leh local council inthlan awm tura election duty-te vote thlakna ballot paper chu February 8, Inrinni khan Aizawl DC conference hall-ah inhlan chhâwnna (exchange for polled ballot papers) hun hman a ni a; district election officer-te leh an aiawhte an tel.

CVScAH Week

College of Veterinary Science & Animal Husbandary chuan February 3-7, 2025 chhung khan Annual Week an hmang. February 7, Zirtawpni tlai khan an auditorium-ah Week kharna hun an hmang a, nikuma thirsakawr hmanga India ram fang chhuaktu Vanlallawmzuala Varte chu khuallian niin, lawmmmante a sem.

Heroin man

Assam Rifles leh Excise & Narcoics department mite chuan February 7, 2025 khan Champhai Zote huam chhungah mi pakhat hnen aṭangin heroin (no. 4) gram 30 an man. February 8, Inrinni khan Zote huam chhungah vek mi pahnih hnen aṭangin heroin gram 36.2 an man bawk.