Ruihhlo do turin YMA infuih thar

Central YMA chuan February 7, 2025 zan khan Vanapa Hall-ah ruihhlo do chungchanga infuih tharna an buatsaih a, YMA Central Executive Committee member-te leh Aizawla YMA branch aiawhte an tel.

Nikuma YMA Rorel Inkhawma 'Ruihhlo do na khawngah nasa zawk a hmalak ni rawh se' tia rel bawhzuina atan infuih tharna hun hi hman a ni a; CYMA vice president Prof Lalnuntluanga'n a kaihruai. CYMA president Lalhmachhuana'n thu sawiin, ruihhlo do turin YMA hruaitu leh member te, nu leh pa leh kohhrante ṭhahnemngai taka pên chhuak turin a sáwm.

Ruihhlo do infuih tharnaah hian CYMA president ni tawh pathum - JH Zoremthanga, Lalbiakzuala leh Vanlalruata te pawhin ruihhlo dona hmalak dan turte an sawi a; zawhna leh chhanna hun hman a ni. CYMA general secretary Prof. Malsawmliana'n ruihhlo donaa hmalak mek dante a sawi bawk.

Ruihhlo dona atana infuih tharnaah hian Aizawla YMA branch 109 aṭangin hruaitute leh kumpuan committee member-te an tel a; an vaiin mi 900 vel an kal khawm a ni.