Nungcha Humhalhna Hmun Bikte

Environment, Forest & Climate Change minister TJ Lalnuntluanga chuan Inrinni khan PCCF conference hall-ah ASEP president K Lalmuansanga lehkhabu ziah 'Mizorama Nungcha Humhalhna Hmun Bikte Chanchin' tih chu a tlangzarh. 

TJ Lalnuntluanga chuan a hmasa ber atana Mizorama nungcha humhalhna hmunte a hlawma bu khata chhiar theih tura buatsaih a ni chu lawmawm a tih thu sawiin, "He lehkhabu hi Mizoram tan mellung pawimawh tak leh nungcha humhalhna kawngah hmanraw ṭangkai tak a nih ka beisei," a ti. Lehkhabuah hian Mizoram chhunga national park pahnih, tiger reserve pakhat leh wildlife sanctuary pariat kan neihte chanchin tarlan a ni.