Analog signal tihtawp tur

Mizoram sorkar chuan thuchhuah siamin, Cable TV Digitization nodal officer hoa rel tawh angin, Cable TV Operator Phase-III hnuaia analog signal hmanga TV programme pek chhuah ṭhin chu September 1, 2016 aṭangin tihtawp tawh tur a nih thu an tarlang.

Sorkar thuchhuah tarlan danin, hriattirna zâwm lote chu Cable TV Act, 1995 leh Cable TV Network (Regulation) Amendment Act, 2002 hmangin hrem theih an ni. Phase-III in a huam chinte chu - Kolasib, Vairengte, Kawnpui leh Bairabi te an ni a; heng khuaahte hian August 31, 2016 zanlai dar 12 aṭangin analog signal tihtawp a ni ang.