Legal Metrology-in Lungleiah Dàn loa gas zawrh hmuchhuak

Lungleia FCSCA department leh Legal Metrology enforcement-te chuan nimin khan Lunglei khawpui chhunga dan loa gas zuar an awm leh awm loh an enfiah a; dan loa gas zuar (blacker) ngei nia hriat mi eng emaw zat leh dan loa zawrh gas bur 132 an hmu chhuak.

FCSCA leh Legal Metrology hotute hi DCSO H Lalrinpuia leh Lunglei SDC Lalzuiliana te hoin Legal Metrology inspector-te nen an thawk chhuak a; mi pariat hnen aṭangin dan loa gas zawrhna ni ngeia hriat gas bûr ruak 132 an hmu chhuak a, an mansak. Gas blacker-te hnen aṭang hian document lem leh thlalak inmil lo consumer card pariat an man bawk.

Document lem leh thlalak inmil lo hmanga consumer card an hmuh chhuahte chu uluk taka chhui zui turin an ti a; dan loa gas zuarte chu man rih loin, an vaukhàn a, dan loa thil an ti leh a nih chuan Essential Commdities Act hmangin hrem an nih tur thu an hrilh.