'Love Revolution' art exhibition
Indian Council for Cultural Relations (ICCR) Regional Centre, Shillong leh Art Novelty Gallery-te chuan nimin aṭang khan 'Love Revolution' tih hmangin international online art exhibition an buatsaih a, minister of state Robert Romawia Royte-in a hawng. Exhibition hian September 21-24, 2020 chhung a awh dawn a ni.
Art Novelty Gallery curator Lalhmingmawii sawi danin, exhibition atan hian tel tura a thlàwna inziah luh theih hun chawlhkar khat an hawng a, ram dang aṭangin mi 83 leh India ram aṭangin mi 162 an tel. VIP guest artist pakua an sawm a; New York-a Vision Art Media dintu Michael Lam a tel bakah, Mizoram aṭang Lalbiaklara, Buta, Rosiamliana, Mizoram Art Development Society president Lalṭanpuia leh mi dangte an tel.