Chetsualnaah mi pahnih an thi

January 10, Thawhṭanni zan khan hmun pahnihah chetsualna a thleng a, mi pahnih thiin, nimin khan vui an ni.

Thawhṭanni tlai dar 3 vel khan Lawngtlai aṭanga Tuipui Ferry panna kawng chhukah auto rickshaw a chesual a, rickshaw neitu FC Hnaihnai (53), Siaha College Veng chu hliamin, Lairam Christian Medical Centre (LCMC)-a lak a nih hnuah zan dar 6 velah a thi. FC Hnaihnai hi LCMC-a a inentir haw lam chesual a ni a; a khalhtu erawh chu a hliam na lo thung.

T Lalawmpuii (29) d/o T Lalmuanawma (L), Lunglei Venglai chu Thawhṭanni zan dar 9 vel khan an in nena inzawm an dawr varanda bulah a tla a, damdawi-in thlenpui a nih chuan a thi tawh.

Thu dawn danin, T Lalawmpuii tla lai hi hmutu an awm a, a tla tih hriat a nih veleh a bul hnaia awmte'n an bawihsâwm nghal a ni.