Hmun hnihah inthlan hun sawn

Vawiina village council leh local council inthlan turah VC leh LC pakhat ve veah candidate thi an awm avangin inthlan hun sawn a ni.

Lawipu LC-a Congress candidate chu February 10, Thawhṭanni zan khan a thih avangin inthlan hun sawn a ni a, February 14, 2025-ah an inthlang ang. Lawipu-ah hian a hmain candidate pakhat a lo thi tawh a, mahse, candidate list tihchhuah a la nih loh avangin dan angin mitthi thlâkna tur candidate ruat thar theih leh nomination file theih a nih avangin inthlan hun sawn a ni lo.

Lunglei district-a Lalnutui khuaah pawh MNF candidate a thih avangin February 13, 2025-ah inthlan buatsaih tum a ni. Candidate a thih hian dan angin candidate list tihchhuah tawh a nih avangin candidate thi aiawh tur thlaktu ruat mai theih a ni tawh lo a, chuvang chuan inthlan hun sawn a ni.