Road Safety Week hman dan tur sawiho

Nimin khan Kolasib DC Conference Hall-ah Road Safety Month hman dan tur chungchang DC Robert C Lalhmangaiha kaihhruaia sawiho a ni a, hmalak dan tur hrang hrangte an rel.

Kolasib DC chuan lirthei him taka khalh a nih theih nana hmalaknaah mipuite hnena a tam thei ang bera puanzar chu a pawimawh hle tih sawiin, meeting-a telte chu Road Safety Month hi hlawhtling taka a kal theih nan theihtawp chhuah turin a ngen.

Traffic lama thawkte leh police lamte an thawhrimna fakin Robert C Lalhmangaiha chuan, an tha thlah loa ṭan la zawm zel turin a chah.

Ṭhutkhawmaah hian Road Safety Month khuhhawnna chu February 14 zing dar 8 ah Diakkawn, Kolasibah neih tura ruahman a ni a, he hunah hian khuallian atan leh road safety week hawngtu atan Kolasib SP David H Lalthangliana chu ruat a ni. Kolasiba auto leh taxi drivers association, driver union hrang hrangte. NCC eh mipui a tam thei ang bera tel tura sawm ni se tia rel a ni.

Mipui hnenah atam thei ang bera inzirtirna thehdarh pawh remtih tlan niin, Road Safety Month pual hian Kolasib district chhungah lirthei khauh lehzuala endik (check) nise an ti bawk.