NH-54 zauhnaa harsatnaah inremna siam

Empowered Com­mit­tee chairman H Lalengmawia chuan nimin khan National Higway (NH)-54 kawng laih zauh mekah Tuirial khaw chhunga harsatna hrang hrangte a hmuna a enfiah a; harsatnate chu ram/in neitute sawipui an nih hnuah inremna siam a ni.

Sorkar thuchhuah tarlan danin, NH-54 laih zauh mekah kawng dung bika buaina awmte enho a ni a; chenna in ṭhiah ngaite chu in neitute nen harsatna awmte sawiho niin, February 2025 chhunga ṭhiah vek turin inremna siam a ni. Kawngpui dunga ram neite chungchanga buainate pawh ram neitute nen a hmunah enho a ni a, inremna siam nghal a ni bawk.

Tuiriala NH-54 enfiah­naah hian Environment, Forest & Climate Change department, Land Revenue & Settlement department, Aizawl DC office, NH enkawltu National Highways and Infrastructure Deve­lopment Corporation Limited leh an hnuaia kawng siam hna thawktu Shivalaya Co.Ltd aiawhte pawh an tel.

NH-54 hian Mizoram district panga paltlangin, km. 381-a thui a ni a; Mizo­ram leh Assam thlun zawmtu niin, Tipa (Tuipang) thlengin a kal a ni.