Serchhip Bawrhsapin ṭha taka meilam sial turin chah

Serchhip bawrhsap Paul L Khuma chuan hriattirna chhuahin, meilam/meikawng ṭha tak sial hmasa loa lo/huan/leipui hàl khap a nih thu a tarlang a; kângmei chhuak a awmin fire station phone number 8119884154 leh Serchhip Police Station phone number 9233092581-ahte hriattir vat turin mipui a chah.

Serchhip DC chuan, khua ṭhàl chhoh ṭan avangin kângmei tichhuak palh thei lakah fimkhur turin mi tin a ngen a, "Mi tu mahin meilam/meikawng ṭha tak sial hmasa lo chuan lo/huan/leipui an hâl tur a ni lo. Mihring nunna leh bungrua atana hlauhawm turin kângmei tichhuah loh tur a ni a, eirawngbawlna leh ran chaw chhumna leh in tihlumna atana hman thuk, meihawl, khawnvartui, gas, electric thuk, etc. kangmei tichhuak thei zawngin chelek loh tur a ni," a ti.

Lo hâl hun hnuhnung atana sorkarin a ruat March 15, 2025 ral hma ngeia hâl turin Bawrhsap chuan loneitute a hriattir a; sorkar ruahmanna chu kengkawh turin VC-te a chah bawk.