ZPM-in inthlanah an lawm thu an sawi

ZPM party chuan thuchhuah siamin, village council leh local council inthlanpui thluang taka neih a nih avang leh vote thlaktute chungah an lawm thu an sawi a, hnehna sang tak chan ngei an inbeisei thu an tarlang.

ZPM chuan, "Pathian leh mipui zarah hnehna sang tak chan ngei kan inbeisei a, ṭhahnemngai taka vote thlaktu mipuite chungah lawmthu kan sawi a ni," an ti.

Nimina VC leh LC thlannaa vote thlaknaah ZPM party hruaitu leh MLA-te'n polling booth hrang hrang an fang kual tih sawiin ZPM chuan, "Aizawl khawpuia local council inthlannaah ZPM ministry-a MLA-te'n an bial an vil hneh hle a, party hruaitute pawhin bial hrang hrang leh polling booth hrang hrang tlawhin hun an hmang," an ti. Inthlan buatsaihtu State Election Commission leh sorkar official duty-te chungah an lawm thu leh MPF hmalakna chhuanawm an tih thu an tarlang bawk.