MPF Annual General Meeting-ah 'Sorkar inrêlbàwlna tha' an zirho

Mizoram Peoples Forum (MPF) chuan, ni-min khan Synod Confe-rence Centre-ah Annual General Meeting vawi 10-na an hmang a, Mizo-ram hmun hrang hrang
aṭangin palai an kal a; 'Sorkar inrêlbàwlna ṭha' tih thupui an zirho nghal.

MPF Annual Gene-ral Meeting hi MPF chair-man Rev. H Lalrin-mawia'n a kaihruai a; general secretary Rev.Dr R Lalbiakmawia'n Annual Report pein, finance secretary PC Lalmawia'n sum dinhmun a sawi. District forum tin aiawhte'n an forum chanchin tlangpui an sawi a; treasurer Lalengkimi'n kum 2017-18 budget a pharh bawk.

Chawhnu lamah MPF vice president Upa RK Thanga kaihhruaiin thupui zirhona hun hman a ni a, thupui 'Sorkar inrelbawlna
ṭha' tih chu Pachhunga University College-a assistant pro-fessor Lalthlamuana Ralte-in a sawi a, sawiho-na hun hman a ni.

General Secretary-in report a pek danin, kum 2015 leh 2016 inkarah MPF hian LADC inthlan, Aizawl North-III Assembly bye-election, Aizawl Municipal Cor-po-ration inthlanahte in-thlanna dik, felfai leh thianghlim a awm theih nan hma an la a; Februa-ry 4, 2016-ah MPF hruai-tute leh Governor Lt. Gen. Nirbhay Sharma an inkâwm. Khawzawl Electric Veng V/C bye-election leh Aizawla local council pathum bye-election-ahte hma an la bawk.

Finance Secretary-in report a pek danin, MPF hian April 1 - August 2016 chhungin Rs. 15,84,933 an hmu a, Rs. 6,29,413 an hmang. Treasurer-in kum 2017-18 budget atana sum ruahman a pharh, Rs. 8,90,000 chu an pawm a ni.