Oct. 5 atang Champhai district-ah Lirthei ke ruk aia tam tlan khap dawn

Champhai district chhunga kawngpui chhia avanga mipui-te harsatna tawh mek sutkian dan tur nimin khan Champhai DC Vanlalngaihsaka hoin DC conference hall-ah sawiho a ni a, October 5, 2016 aṭanga thla hnih chhung Champhai district-a lirthei ke ruk aia tam tlan khap an rel.

Meeting chuan October 5, 2016 aṭanga thla hnih chhung awh turin Champhai district puma hman turin CrPC Section -144 hmangin lirthei keruk aia tam hmang zawng zawng tlan khap na thupek chhuah nise, an ti. He khapna hian mipui mamawh, Essential Commodities Act in a huam chin phurtute chu a huam lo ang.

Khapna thupek chhuah hun chhung hian BRTF te chu Khaw-zawl - Kawlkulh inkar kawng aṭanga ṭanin a tahtawla kawng thawm ṭhat hna chak taka kalpui turin BRTF te ngen an ni a, BRTF aiawhtu OC 74RCC (GREF) chuan meeting ngena hi tihlawhtling tura bawhzui nghal a tum thu a sawi.

Kawlkulh - Khawzawl leh Seling - Keifang kawng thawm-
ṭhatna tura sorkar laipuiin a sanction tawh, cheng nuai 3,261.38 chu hman theih lova a la awm thu meeting-ah hian tarlan a ni.

Meeting-ah hian DRDA Project Director, SE(PHE), Addl. SP, EE (PWD), EE(P&E), SDO(S), DTO leh BRTF thuneitute bakah NGO Coordination, Sub-Hqrs. YMA leh MJA aiawhte an tel.