Larsapin MADC hotute a kâwm

Governor Lt.Gen. Nirbhay Sharma chuan, nimin khan Raj Bhavan-ah Mara Autonomous District Council (MADC) sorkar hotute a kâwm a; MADC chhunga hmalakna kalpui mek leh hmathar lakna turte a sawipui.

Meeting-ah hian MADC chief executive member RT Zachono chuan, an hmalakna hnuaiah dan chi hrang hrang 22 pass a nih tawh thu te, sum harsatna an tawh ṭhin eng emaw chen chu chinfel a nih thu te, hmasawnna project pakua zawh a nih thu te, school building 15 sak zawh tawh a nih thu te, rural housing scheme hnuaia rangva hlawm 4,286 sem a nih thute leh, sum dehchhuah kawngah handloom leh handicraft, vety farm, quarry, fisheries leh marboat-te an hman ṭangkai
thute a sawi.

India danpuiin 6th Schedule area inrelbawlna leh kalphung enkawl hna chu Governor kutah dah a nih angin, Governor hian LADC, CADC leh MADC hotute September 27, 28 leh 29-ahte a kâwm a ni.