Chakma NGO-te dem

Chakma Autonomous District Council (CADC) sor­kar chuan, September 27, 2016-a Mizoram Chakma Students' Union (MCSU) leh Young Chakma Association (YCA)-te kawng zawh chhan chu politics thila inerna vanga sorkar tihmualpho tumna niin an sawi.

Chakma pawl pahnih­te'n kawng an zawh chung­changah CADC chuan nimin khan thu­chhuah an siam a, MCSU leh YCA-te hmalakna an dem thu an puang. CADC chuan, September 27-a kawngzawh huaihawt chhan zingah
politics thila inbeihna inphûm ru ngeia an hriat thu an tarlang.

CADC chuan, pawl pahnihte ngen angin, dan loa thawktu lakte bàn vek an ni tawh niin an sawi a, "Pakhat erawh chu tlawm­ngai pawlte hmalaknain a huam hmaa CEM Budhalila Chakma hun laia lak a nih avangin bàn a ni ve
lo," an ti.

CADC thuchhuah tarlan danin, MCSU leh YMA phût anga dân loa lakte bàn an nih laia tel ve lo hi February 6, 2014 lak a ni a, tlawmngai pawlte chuan January 2015 hnu lama dan loa lakte bàn an phût a ni.

CADC sorkar chuan, CADC CEM Kali Kumar Tongchangya-a'n September 29, 2015-ah CEM pisa a luah ṭan nia sawiin, NGO-te nen inremna an siam hma pawhin dan loa lak mi 64 an bân tawh niin an sawi bawk.