Tripura refugee camp-a Bru lâk lêt dan tur sawiho

Home Ministry kaihhruaina hnuaiah August 30, 2016 tlai khan Agartala, Tripura-ah Tripura refugee camp-a Bru awmte Mizo­rama hruai kîr dan tur sawiho a ni.

Meeting-ah hian Home Ministry aṭangin special secretary MK Singla leh joint secretary (NE) Satyendra Garg an tel a; Mizoram aṭangin Home department additional secretary Lalbiakzama leh Central YMA aiawhin vice president Vanlalruata-te an tel. Tripura sorkar aṭangin Home Secretary hoin offcial paruk an tel bakah, Tripura leh Mizoram
aṭangin Bru aiawhte an tel bawk.

Thu dawn danin, Mizoram sorkarin November 2016 thla tira Bru lâk lêt (repatriation) tura ruahmanna (road map) a siam chu Home Ministry hotute chuan ṭha an ti a, Bru lâk lêt chu a hlawhtlin ngei a ṭul thu an sawi.

CYMA vice president Van­lalruata chuan, Bru-te chu Mizoram sorkarin ruahmanna a siam angin Mizoramah kîr ngei se an duh thu leh, an la kîr duh lo fo a nih chuan hun lo kal zel turah chuan a harsat tawh a hlauhthawnawm thu a sawi.