Building & Other Construction Wokers sum A hman lohna turah vbc. 5.14 hmang
Nimin Assembly session-a Finance minis-ter Lalsawta'n a pharh tâk, Report of The Comptroller and Auditor General of India-in a tarlan danin, Mizoram Building and Other Construction Wokers' Welfare Board (MBOCWWB) chuan wokers' welfare cess a hmuh cheng vbc. 5.14 chu dan dik loa hman a ni.
CAG Report tarlan danin, MBOCWWB-in sum a pek chhuah theihte chu - kut hnathawktu, Board-a inziak lutte an chetsuala ṭanpuina pek te, kum 65 an tlin huna pension pek te, kut hnathawktu emaw, anmahni rinchhante an dam loa an inenkawlna tum sak te, kut hna-thawktute fate an zirna atana ṭanpuite leh thil dangte a ni.
Hetih lai hian, MBOCWWB tih tur zinga tel lo mi 191 training pekna atan cheng nuai 462 hman a ni. Training tur hian mi 80 chu Mizoram Youth Commission (MYC) thlan an ni a, mi 111 chu Directorate of Labour, Employment and Industrial Training (LEIT)-in an thlan a ni thung.
MBOCWWB hian March 2014 aṭanga January 2015 chhungin a pung awm loin cheng nuai 52.38 chu sorkar hnathawk pali hnenah an pektir a, July 31, 2015 thleng khan loan an pekte'n cheng nuai 32.86 an rûl tawh.
Loan hi PA to LEIT Director hnenah cheng nuai 15 pek a ni a, ani hian a rûl zo tawh. ITI Principal hnenah cheng nuai 20.39 pek a ni a, ani hian cheng nuai 15.87 a rûl tawh a, cheng nuai 4 chuang a la rûl lo. MYC Secretary hnenah cheng nuai 15 pek a ni a, ani hian a la rûl lo hrim hrim thung. LEIT Director hnenah cheng nuai 1.99 pek a ni bawk a, Director hian a rûl zo tawh a ni.
Training-na atana sum hman dan
Institution hming Course hming Training zat Senso zat
1. Emporium Training and 6 months Certifcate 118 Nuai 259.57
Consultancy Pvt. Ltd., Course in Aviation
Kolkata Tourism and Hospitality
2. Best First Step 6 months Certifcate 41 Nuai 73.98
Education Pvt.Ltd. Course in Institute of
Quality Skill Training, Advance Customer
Guwahati Training Centre Excellence
3. Nalanda Institute of Advance Bachelor of Hotel
Studies, Kolkata Management 32 Nuai 128.20
(3 years degree course)