Health care scheme zirho

Mizoram State Health Care Scheme (MSHCS) leh Ayushman Bharat-Pradhan Mantri Jan Arogya Yojana (AB-PMJAY) a thara kalpui leh tur chungchang zirhona nimin khan Champhai IPR auditorium-ah buatsaih a ni.

Training kaihruaitu Champhai CMO Dr R Lianmawia chuan health care scheme pawimawhna hre lo tam tak an awm ṭhin thu sawiin, "A hun chhung a zawh tawh hnua tih thar leh tum an awm ṭhin a, hei hian mamawhtuteah harsatna a thlen tawh ṭhin avangin tun ṭumah chuan mitinin he scheme hi ngaihpawimawh a, an hriatchian theihna tura tan lak thar a ngai," a ti.

Meeting-a tarlan a nih danin, tuna health care scheme kal mek hun chhung chu September 30, 2020 ah a tawp tawh dawn a, October Ni 1, 2020 aṭanga September 2021 thleng huam tur health care scheme chu a thara kalpui leh tur a ni.