Center of Excellence project peih fel ṭêp

Horticulture department chuan Saichhoh, Lunglei district-ah Indo-Israel Technology puihnain Center of Excellence Project an peih ṭêp tawh a, Centre hi tun hnai khan New Delhi-a Israel Embassy hotute'n an tlawh.

Center of Excellence Project hi Israel-a mithiam Shmuel Katz puihna hmanga duan a ni a, Mizorama thlai váng tak tak chi thar chhuahna hmun tur atana ruahman a ni.

Centre hi Israel Em-bassy, New Delhi-a Counselor of the International Develop-ment Coopera-tion (MASHAV), Science and Technlolgy Dan Alluf hoin sorkar laipuia mithiamte'n an tlawh a ni.

Dan Alluf chuan, project chu ṭha an tih thu leh India leh Israel-in thawh dunna thuthlung an siam 'Indo-Israel Bilateral Cooperation Agreement' ah telh a duh thu a sawi a, "Project hi India leh Israel thawh dunnaa changtlung berah a chhuah theih ka beisei," a ti.

Thu dawn danin, Center of Excellence Project hi India leh Israel thawh dunnaah telh a nih chuan, Israel-in an mithiamte Mizorama officer leh huan neitute training pe tura a rawn tih theih dawn bakah, a thar hunah a sawngbawlna leh hralhnaah an pui dawn a ni.