Aizawla x-ray khawl neitute zinga 94.50%-in AERB licence an nei lo

Health department-a Radiation Safety Agency Cell chuan, nimin khan Aizawl Civil Hospital conference hall-ah laboratory neitute tan x-ray chungchang zirhona an buatsaih a; Aizawla x-ray khawl neitute zinga 94.50%-in licence an nei lo tih tarlan a ni.

Orientation prog-ramme on X-Ray licen-sing for owner/head of institution hi Hos-pital & Medical Edu-ca-tion director Dr K Lalbiakzuala'n a kai-hruai a; "Sokar leh private hospital-a x-ray khawlte chu Atomic Energy Regulatory Board hnuaiah registration leh licence tih vek a ngaih tawh avangin, a tih dan leh kalhmangte inhrilh hre turin khawl neitute kan inkokhawm a ni," a ti.

Health principal director Dr K Ropari chuan, x-ray zungzám chu medical thilah hmanraw pawimawh tak, natna zawn chhuahna ṭangkai tak a nih thu sawiin, "X-ray khawl leh a hmanna inte a dik tawk loh chuan a hmangtu leh mipui tan chhiatna thlen thei a ni," a ti a; chhiatna pumpelh a nih theih nan leh hrem pumpelh nan Atomic Energy Regulatory Board (AERB) thutlukna angin, x-ray khawl neitu zawng zawngte'n licence an neih a ngaih thu a sawi.

He hunah hian Radia-tion Safety Agency-a mi, Dr Khamsuanpauva'n x-ray chungchang leh dante a sawifiah a, "RSA hmalaknain Mizorama private leh sorkar x-ray khawlte endik vek a ni tawh. X-ray khawl 5.50% chu AERB licence nei an ni a, 94.50% chu licence nei lo niin, engtik lai pawha khârsak mai theih an ni," a ti. Adithisri Ra-dia-tion Service-a mi, P Mitra-a'n thil pawi-mawhte a zirtir bawk.

Thu dawn danin, tunah hian AERB-in state hrang hrangah x-ray khawl an endik mek a, licence nei lo eng emaw zat an khârsak tawh a ni.