Common Service Center insawifiah

Common Service Center (CSC) Association chuan thuchhuah siamin, August 31, 2016-a Electric Veng YMA Hall-a scholarship chungchanga training neihnaah, scholarship buaipuina atan CSC-te'n Rs. 250/300 an la anga sawi chu dâwt a nih thu an tarlang.

CSC Association chuan, scholarship chu online-a dil tura tih a nih tâk avangin khaw hrang hranga an member-te'n scholarship portal an vil ve niin an sawi a, "Scholarship dil duhte tan a awlsam nan a theih chin chinah MSB lamah thu hre chiang turin an kal a. Scholarship dil dan turah nikum aiin a hautak dawn tâk loh avangin CSC chuan scholarship online submission atan Rs. 100 aia sang la lo turin member-te a hriattir a ni," an ti.

CSC VLE ṭhenkhat chuan pawl 5 hnuai lam phei chu Rs. 50 chauhte an laksak niin an sawi a; online-a scholarship buaipui-tu ṭhenkhatin CSC-in rate an siam aia tam an la a nih chuan, CSC Association-in an hraitpui lo tih an sawi bawk.