Thlai thar lei chungchang sawiho

Champhai District Agriculture Marketing Committee (DAMC) chu an chairman VL Remliana, bawrhsap kaihhruaiin nimin khan DC conference hall-ah an ṭhukhawm a; February 20, 2025 aṭanga sorkarin kut hnathawktute sawhthing thar a lei tur chungchang Champhai district-a kalpui dan tur an sawiho. Champhai district-ah sorkarin sawhthing a leina hmun tur, secondary collection centre (SCC) pakua a awm thu tarlan a ni.

Lawngtlai District Agricultural Marketing Committee (DAMC) pawh nimin khan additional DC Zoramsiama Hmar kaihhruaiin DC conference hall-ah an ṭhukhawm.

Thlai thar hralh dan tura sorkarin ruahmanna a siam dan leh a kalpui dan tur te, secondary collection centre (SCC) leh primary collection centre (PCC) chungchanga hriat tur pawimawhte inhrilhfiah niin, zawhna leh chhanna bakah sawihona hun hman nghal a ni.