SBI-in infiamna bungrua leh bus pe

State Bank of India, Mumbai-a managing director Vinay M Tonse chuan February 15, Inrinni khan Mizoram infiammite hman tur infiamna bungrua leh Mizoram Youth Commission tan bus pakhat a hlan.

Infiamna bungruate hi Sports & Youth Services minister Lalhnghinglova Hmar-in a dawng a; MYC tana bus pek chu MYC chairman Malsawmzuala Ralte-in a dawng thung. MYC hnena bus an pek hi cheng nuai 25 hû a ni.

Vinay M Tonse chuan, Infiamna bungruate chu SBI corporate social responsibility (CSR) aṭanga pek a nih thu sawiin, a vaiin cheng nuai 25 man a nih thu a sawi a, "Mizo ṭhalaite'n ṭangkai taka an hman ka duh a, ka beisei," a ti.

Sports minster Lalnghinglova Hmar chuan, Mizoram chu India ramin Olympic 2036 a thlenah Mizo ṭhalaite an tel ve ngei theih nan an inbuatsaih tih sawiin, chumi tihchakna tura SBI-in infiamna hmanrua ṭhahnem tak an pek avangin an lawm thu a sawi a; Mizo ṭhalaite tana din MYC hnenah ṭhalaite tana hman ṭangkkai tur bus an pek avangin lawmawm an tih tak zet thu a sawi bawk.

Lalnghinglova Hmar chuan, "Sports bungrua leh thuamhnawte hi Olympic 2036 vision hnuaia Mizoram pum huapa sports coaching leh talent zawn chhuah project, ‘Bana Kaih: Empowering Mizoram Sports’ atan ṭangkai taka hman a ni ang," a ti.